Ken Zazpi

KenZazpi taldearen proiektua 1996. urteko udazkenean jaio zen Gernikan. Jon Mikel Arronategik (Exkixuko baxujolea) eta Eñaut Elorrietak (Lugarriko abeslaria) bultzatua. Orduan, Bi eta bat aurrerapen abestia kaleratu zuten urte hartako "Aurtengo GORakada, 1"-ean, Gor diskoetxearen bilduma diskoan, KenZazpi izenburupean.


Maketa

2000. urtean gaur egun taldea osatzen duten taldekideak batu eta maketa bat grabatu zuten Muxikan. Grabaketa hau Iñaki UOHOren etxean burutu zuten.

Diskak
”Atzo da bihar” 2001eko maiatzean argitaratu zuten. Arrakasta handia izan zuen lehen lan honek, 20.000 disko saldu eta talde ezagun izatera heldu ziren denbora gutxian. 2003ko Apirilean ‘Bidean’ izeneko bigarren lana kaleratu zuten, aurrekoa baino gogorragoa izan zelarik. Disko honek, aurreko lanaren marka guztiak hautsi zituzten eta Euskal Herriko kontzertu garrantzitsuenetan taldearen heldutasun eta estilo propioa erakutsi zuten bira arrakastatsu eta jendetsu batean.

2005. urtean disko akustiko bat eta zuzenean argitaratu zuen; “Gelditu Denbora” izenekoa. Disko honek, Lehen 3 hilabeteetan 12.000 disko saldu zituzten, taldeari bide berriak ireki zizkion... Urte hau, oparoa izan zen Gernikako taldearentzat, Euskal Herritik kanpora ateratzea lortu zutelarik, azpimarratzekoak dira Katalunian emandako kontzertuak, adibide bezala Catalunya-Euskadi futbol partidan Camp Noun 70.000 lagunen aurrean eskainitako emanaldia, eta Sopa de Cabra taldearen omenaldi diskoan, Amaral, Bunbury eta abarrekin batera grabatutako Instants del Temps kantua. Baina guzti honen gainetik,beti bere sustraiak mantentzen dituen taldea da KenZazpi, bere kultura eta izatearekin konprometitutako taldea,eta hainbat kanta egin dituena zenbait gizarte eragilerentzat, adibidez Ibilaldia, Araba Euskaraz edo Izarren Hautsa kantuak.

2007an ARGIAK diskoa grabatu zuten Rafa Sardina ekoizlearekin eta bira ikaragarria burutu zuten antzoki eta jaialdietan.2009an Ken Zazpi Urte Zuzenean Cd+Dvd-a argitaratu dute beraien zazpigarren urtehurrenean.Disko berri honekin gainera beraien zigilu propioa sortzeaz gain (Argiak Diskak) aurreko katalogoaren jabe egin dira. 

Lain Berri Txarrak Hesian Sugan Sugan Liburuak